Иттиҳоди Аврупо мегӯяд, ки ба ҳимоят аз Украина дар баробари ҳамлаи бедалели Русия идома хоҳад дод.
Каҷа Каллас, намояндаи олии умури хориҷӣ ва сиёсати амниятии Иттиҳоди Аврупо 11 март дар суханронии худ дар СММ, дар дифоъ аз ӯҳдадориҳои ин созмон ба эҳтироми тамомияти арзии ҳамаи кишварҳо гуфт, ки Иттиҳоди Аврупо шарики қобили боварии Созмони Милали Муттаҳид боқӣ хоҳад монд.
Бар гузориши хабаргузории "Ассошиэйтед пресс", дар ҳоле, ки ҳукумати Доналд Трамп, президенти Амрико, 83 дарсади барномаи кӯмакҳои идораи қаблии ИМА-ро аз байн мебарад, ҳамоҳангсози сиёсати хориҷии Иттиҳоди Аврупо гуфтааст, ки ин ниҳод дар соли ҷорӣ бо ҷудо кардани миллиардҳо доллар, ба кӯмакҳои башардӯстона ба Украина идома хоҳад дод.